कञ्चनपुर। अवैध लागूऔषध चरेश जस्तो देखिने पदार्थ ५ किलोग्राम र नगद १२ हजार ९ सय ३० सहित २ जना पक्राउ परेका छन् ।
उनीहरुलाई भिमदत्त नगरपालिका-३ भाँसिस्थित सडकबाट शनिबार दिउँसो प्रहरीले पक्राउ गरेको छ ।
शिवराज भट्ट र सुरेश सुनार पक्राउ परेका हुन् । लागू औषध नियन्त्रण ब्यूरो शाखा कार्यालय कञ्चनपुर, प्रदेश प्रहरी कार्यालय महेन्द्रनगर र जिल्ला प्रहरी कार्यालय कञ्चनपुरबाट खटिएको प्रहरीले उनीहरूलाई उक्त पदार्थ सहित पक्राउ गरेको हो ।
यस सम्बन्धमा प्रहरीले थप अनुसन्धान भइरहेको प्रहरीले जनाएको छ ।
