बुवाको सपना पूरा गर्न ‘जलाकी’ मार्फत रजतपटमा प्रवेश गर्दैछिन् सिक्किमकी साहारा हाङमा लिम्बु
काठमाडौं : अशोक थापामगरको निर्देशनमा तयार भएको प्रतीक्षित फिल्म ‘जलाकी’ बाट घरेलु चलचित्र उद्योगमा अभिनय डेब्यू गर्न लागेकी अभिनेत्री साहारा हाङमा लिम्बुको क्यारेक्टर पोस्टर सार्वजनिक गरिएको छ। बुवाको मुख हेर्ने दिनको अवसर पारेर निर्माण टिमले उनको सोलो पोस्टर सार्वजनिक गरेको हो।
सार्वजनिक पोस्टरमा उनी मगर पहिरनमा गम्भीर र सोचमग्न मुद्रामा देखिएकी छन्। फिल्ममा उनले आधुनिक सोच बोकेकी र स्वतन्त्रता रुचाउने युवतीको चरित्र निर्वाह गरेकी छन्।
सौन्दर्य प्रतियोगिताबाट अभिनय यात्रामा
मण्डला थिएटरमा अभिनयको विधिवत प्रशिक्षण लिएकी साहारा अडिसनमार्फत ‘जलाकी’मा छनोट भएकी हुन्। यसअघि उनले ‘मिस टिन इन्डिया २०२२’ र ‘मिस टिन २०२२’ को उपाधि जितिसकेकी छन् भने प्रतिष्ठित ‘मिस इन्डिया सिक्किम २०२४’ मा समेत आफ्नो सहभागिता जनाइसकेकी छन्।
बुवाको असहनीय वियोग र अधुरो सपना
फिल्मको छायांकन सुरु हुनुअघि काठमाडौं आउँदा साहाराले आफ्ना बुवालाई अन्तिम पटक भेटेकी थिइन्। फिल्ममा काम गर्ने पक्का भएपछि उनले यो खुसी सबैभन्दा पहिले बुवालाई सुनाएकी थिइन्।
त्यस क्षणलाई सम्झँदै उनी भन्छिन्, “बाबा एकदमै खुसी हुनुहुन्थ्यो। उहाँले ‘अर्को पटक तिमी अभिनेत्री भएर फर्किन्छौ, म तिमीलाई यही बाटोमा खादा लिएर स्वागत गर्न आउनेछु’ भन्नुभएको थियो, तर त्यो सपना अधुरै रह्यो।”
चलचित्रको छायांकन चलिरहँदा नै सडक दुर्घटनामा परी उनका बुवाको निधन भयो। आफ्ना बुवालाई गुमाउनुको चरम पीडा सख्नين सक्ने अवस्था नभए पनि उनी बुवाको ठूलो सपनालाई मर्न नदिन ४ दिनकै διά अन्तरालमा सुटिङ सेटमा फर्किएकी थिइन्।
आफ्नो भोगाइबारे बताउँदै साहारा भन्छिन्, “मलाई सिल्भर स्क्रिनमा हेर्ने सपना मेरोभन्दा पनि ठूलो बुवाको थियो। रातभर निदाइ नपरी टोलाएर बस्थेँ, बिहान ४ बजे प्रोडक्सन टिमको फोन आउँदा झस्किन्थेँ। तर क्यामेरामा आफ्नो थकान वा कमजोर भाव नदेखियोस् भनेर निकै संघर्ष गरेँ। ममी र दिदीको अथाह हौसलाले मलाई फेरि उभिने हिम्मत दियो।”
फिल्मप्रति उच्च आशा र मेहनत
आफ्नो पहिलो प्रोजेक्ट ‘जलाकी’प्रति उनी अत्यन्तै उत्साहित छिन्। फिल्मको कथावस्तुले आफूलाई सुरुवातमै तानेको र यसको चरित्रसँग आफ्नो वास्तविक जीवन तथा एकोहोरो प्रेम (वान साइडेड लभ) गर्ने जोसुकैले पनि गहिरो भावनात्मक सम्बन्ध महसुस गर्न सक्ने उनको विश्वा
मगर समुदायको संस्कृति र प्रेमकथामा आधारित यो फिल्म मंसिर ४ गतेदेखि प्रदर्शनको तयारीमा रहेको छ।
