काठमाडौं ।नेपाल प्रिमियर लिग (एनपीएल) को तेस्रो संस्करण सोमबारदेखि सुरु भएको छ। नेपाली क्रिकेटमा पहिलो पटक डिसिजन रिभ्यु सिस्टम (डीआरएस) प्रविधि प्रयोग गरिएको उद्घाटन खेलमा साविक विजेता लुम्बिनी लायन्सले सुदूरपश्चिम रोयल्सलाई ७ विकेटले पराजित गरेको छ।
प्रधानमन्त्री बालेन्द्र शाहले म्याच रेफ्रीलाई बल हस्तान्तरण गर्दै प्रतियोगिताको उद्घाटन गरेका थिए। खेलमा लुम्बिनीका बलर किशोर महतोले ४ विकेट र शेर मल्लले ३ विकेट लिएपछि सुदूरपश्चिम १७.२ ओभरमा ८७ रनमै अलआउट भयो।
८८ रनको सामान्य लक्ष्य पछ्याएको लुम्बिनीले आसिफ शेखको ३२ र अस्ट्रेलियन ब्याटर डार्सी शर्टको ४० रनको मद्दतमा १० ओभरभित्रै ३ विकेट गुमाएर लक्ष्य पूरा गर्यो।
उद्घाटन खेलमा डीआरएसको प्रयोग, विदेशी खेलाडीको प्रदर्शन र दर्शकको बाक्लो उपस्थितिले प्रतियोगितालाई थप आकर्षक बनाएको छ। उपाधि रक्षा अभियानमा रहेको लुम्बिनीले पहिलो खेलमै प्रभावशाली प्रदर्शन गर्दै सुखद सुरुवात गरेको छ।
