काठमाडौं।नेपाल प्रिमियर लिगमा चितवन राइनोजले विराटनगर किंग्सलाई १५८ रनको लक्ष्य प्रस्तुत गरेको छ।
कीर्तिपुरस्थित त्रिवी क्रिकेट मैदानमा टस हारेर ब्याटिङको निम्तो पाएको चितवनले निर्धारित २० ओभरमा ३ विकेट गुमाउँदै १५७ रन बनाएको हो।
चितवन राइनोजका लागि डेविड मलानले सर्वाधिक ७० रन बनाए । उनले ५० बलमा समान ५ चौका र ५ छक्का प्रहार गरे। उनले पहिलो विकेटको लागि देव खनालसँग ५८ रनको साझेदारी बनाएका थिए। देव खनालले १२ रन बनाउँदै स्टम्पिङ आउट भए। वान डाउनमा आएका अर्जुन साउद ३ रनमा क्याच भए।कप्तान रवि बोपारा ३२ र डान मुस्ले २९ रनमा अविजित रहे। यी दुईले चौथो विकेटको लागि ६७ रनको अविजित साझेदारी बनाए। विराटनगरका लागि बलिङ तर्फ एन्जेलो म्याथ्यूस, आन्द्रे रसेल र चारिथ आसालंकाले १-१ विकेट लिए।
