हुम्ला। सर्केगाड गाउँपालिकाका उपाध्यक्ष चन्द्रसिंह कार्कीको सवारी दुर्घटनामा निधन भएको छ ।
सुर्खेतबाट नेपालगञ्ज जाँदै गरेको कर्णाली प्रदेश ०२००१ ख १०११ नम्बरको फोर्स गाडी सुर्खेतको भेरीगंगा नगरपालिका–५ एमाले मोडमा दुर्घटना हुँदा उपाध्यक्ष कार्की सख्त घाइते भएका थिए ।
सख्त गाइते भएका कार्कीको नेपालगञ्ज मेडिकल कलेज भेरी अस्पतालमा उपचारका क्रममा गए राति निधन भएको अस्पतालले जनाएको छ । कार्की माओवादी केन्द्रबाट गत स्थानीय तहको निर्वाचनमा उपाध्यक्ष पदमा निर्वाचत भएका थिए ।
