काठमाडौं। गायक राजेशपायल राई अर्को विवादमा मुछिएका छन् । यूएईको दुबई सहरमा सांगीतिक कार्यक्रमका लागि जान लागेका गायक राई विवादमा मुछिएका हुन् ।
बिहीबार बिहान त्रिभुवन विमानस्थलबाट दुबईका लागि उड्न पुगेका उनलाई अत्याधिक मादक पदार्थ पिएर लफडा गरेपछि त्यहीँबाट फिर्ता गरिएको त्रिभुवन अन्तर्राष्ट्रिय विमानस्थलका प्रहरी प्रमुख प्रहरी नायब महानिरीक्षक (डिआईजीपी)राजदत्त जोशीले बताए।
फ्लाई दुबई एयरलाइन्सको जहाजबाट उड्न लागेका गायक राईलाई मादक पदार्थले मातेर लफडा गरेको आरोपमा त्रिभुवन अन्तर्राष्ट्रिय विमानस्थलबाटै फर्काइएको हो ।
अत्यधिक मदिरा पिएका उनले बोर्डिङ पास पनि गरिसकेर जहाजमा हल्ला गरेपछि फ्लाई दुबईका कर्मचारीले प्रहरीको जिम्मा लगाएका थिए ।
