खरानीबाट उठेर फेरि मुस्कुराउँदै लक्ष्मी ठाकुर: एक वर्षपछि पुनर्सञ्चालनमा आयो महाराजगञ्ज भाटभटेनीको ‘लक्ष्मी हेयर एन्ड ब्युटी स्टुडियो’

काठमाडौँ – गत वर्ष भदौ २४ गतेको जेनजी आन्दोलनका क्रममा आगजनीबाट ध्वस्त भएको महाराजगञ्जस्थित भाटभटेनीको ‘लक्ष्मी हेयर एन्ड ब्युटी स्टुडियो’ ठ ακ्कै एक वर्षपछि पुनर्सञ्चालनमा आएको छ।

आन्दोलनका क्रममा करोडौँको क्षति व्यहोरेका जनकपुरका चर्चित हेयर स्टाइलिस्ट लक्ष्मी ठाकुरले ठीक एक वर्ष १ का दिन सोही स्थानमा स्टुडियोको पुन: भव्य शुभराम्भ गरेका छन्।

जितु नेपाल र प्रियना आचार्यद्वारा उद्घाटन

बुधबार आयोजित एक विशेष कार्यक्रमकाबीच रिलिजको तयारीमा रहेको नेपाली चलचित्र ‘कार्की साइला’ का अभिनेता तथा हास्यव्यङ्ग्य कलाकार जितु नेपाल र अभिनेत्री प्रियना आचार्य (मुन्नी) ले संयुक्त रूपमा स्टुडियोको रिवन काटेर पुन: उद्घाटन गरेका हुन्।

उद्घाटन कार्यक्रममा बोल्दै अभिनेता जितु नेपालले एक वर्षअघि जलेर खरानी भएको स्टुडियोलाई फेरि ठडाएर सञ्चालनमा ल्याउनु सञ्चालक ठाकुरको निकै साहसी कदम भएको बताए। लामो समयदेखि कोटेश्वरस्थित शाखाबाट सेवा लिँदै आएका जितुले यो स्टुडियो पुन: सञ्चालनमा आउँदा आफूलाई पनि छुट्टै ऊर्जा मिलेको खुसी व्यक्त गरे।

त्यस्तै, अभिनेत्री प्रियना आचार्यले १७ वर्ष पुरानो यो ब्रान्ड जलेर नष्ट हुँदा आफूलाई पनि दुखी बनाएको बताउँदै, एक वर्षमै यसलाई नयाँ रूपमा स्थापित गरिएको देख्दा खुसी लागेको बताइन्। उनले स्टुडियोको आगामी ५ वर्षभित्र देशभरका प्रमुख सहरहरूमा ५१ वटा शाखा विस्तार गर्ने योजना सफलताको शुभकामना समेत दिइन्।

२७ वर्षको मेहनत र संघर्ष

मुम्बईमा हेयर डिजाइनरको लामो अनुभव संगालेका लक्ष्मी ठाकुरले २७ वर्षअघि ठमेलबाट नेपालमा आफ्नो व्यावसायिक यात्रा थालेका थिए। महाराजगञ्जको भाटभटेनीमा १७ वर्षअघि खोलिएको यो उनको पहिलो फ्रेन्चाइज आउटलेट थियो।

गत वर्षको आन्दोलनमा कलंकी र महाराजगञ्जका दुवै स्टुडियो जलेर खरानी बनेका थिए। जसमा कलंकीको केही समयपछि सञ्चालनमा आए पनि महाराजगञ्जको यो मुख्य शाखा भने ठ्याक्कै एक वर्षपछि फेरि तयार भएको हो।

भावुक बन्दै सञ्चालक ठाकुरले भने, “भाटभटेनीको आगलागीमा हाम्रा दुई वटा स्टुडियो खरानी भए, तर हामी हार मानेनौँ। आज हामी त्यही खरानीबाट माथि उठेर पुन: ग्राहकहरूको सेवामा उपस्थित भएका छौँ।” दर्जनौँ नेपाली चलचित्रमा हेयर स्टाइलिस कन्सल्टेन्टको रूपमा काम गरिसकेका ठाकुरले व्यापारिक कम्प्लेक्समाथि पोखिएको रिसको सिकार आफूहरू बन्नुपरेको पीडਾ पनि व्यक्त गरे।