प्रतिनिधिसभा बैठक आज बस्दै, आर्थिक र कानुन संशोधनसम्बन्धी दुई विधेयक पेस हुने

काठमाडौं — संघीय संसद् प्रतिनिधिसभाको बैठक आज बस्दैछ। संसद् सचिवालयका अनुसार बैठक शुक्रबार दिउँसो १ बजे सिंहदरबारस्थित संसद् भवनमा सुरु हुनेछ।

आजको बैठकमा दुई महत्वपूर्ण विधेयकहरूमाथि विचार गरियोस् भन्ने प्रस्ताव प्रस्तुत गर्ने सम्भावित कार्यसूची रहेको छ:

• कर्मचारी सञ्चय कोष संशोधन विधेयक: अर्थमन्त्री डा. स्वर्णिम वाग्लेले ‘कर्मचारी सञ्चय कोष (दशौँ संशोधन) विधेयक, २०८३’ माथि विचार गरियोस् भन्ने प्रस्ताव सदनसमक्ष प्रस्तुत गर्नेछन्।  

• नेपाल कानुन आयोग संशोधन विधेयक: कानुन, न्याय तथा संसदीय मामिलामन्त्री सोबिता गौतमले ‘नेपाल कानुन आयोग (पहिलो संशोधन) विधेयक, २०८३’ माथि विचार गरियोस् भन्ने प्रस्ताव पेस गर्ने कार्यसूची रहेको छ  बैठकमा दुवै विधेयकमाथि सैद्धान्तिक छलफल प्रारम्भ हुने जनाइएको छ।