काठमाडौं । नक्कली भुटानी शरणार्थी प्रकरणको अनुसन्धान प्रतिवेदन प्रहरीले आज सरकारी वकिल कार्यालयमा बुझाउँदै छ ।
यो प्रकरणमा संलग्नलाई राज्यविरुद्धको अपराधसहित संगठित अपराध र ठगी गरी कम्तीमा तीन वटा मुद्दा चलाउनुपर्ने प्रहरीको निष्कर्ष छ ।
यस्तै, चार उच्च पदस्थ पूर्वउपप्रधानमन्त्री टोपबहादुर रायमाझी, पूर्वगृहमन्त्री बालकृष्ण खाण, सचिव टेकनारायण पाण्डे र तत्कालीन गृहमन्त्री रामबहादुर थापाका सुरक्षा सल्लाहकार इन्द्रजित राईमाथि राज्यविरुद्धको अपराधमा मुद्दा चलाउन सिफारिस गरिएको छ ।
महत्वपूर्ण र अति संवेदनशील जिम्मेवारीमा रहेका व्यक्तिकै संलग्नतामा नेपाली नागरिकलाई भुटानी शरणार्थी बनाउने प्रपञ्च रचिएको भन्दै उनीहरुलाई राज्यविरुद्धको अपराधमा मुद्दा चलाउनु पर्ने प्रहरीको निष्कर्ष छ ।
