इलाम । इलामको सूर्योदयमा श्रीमतीको हत्या गरि श्रीमान फरार भएका छन् । सूर्योदय नगरपालिका २ सयपत्री टोलमा डोमा शेर्पाको घरमा डेरा गरिबस्ने पाँचथरका चेपाङे भनिने पूर्णबहादुर तामाङ आफ्नै कान्छी श्रीमतीको हत्या गरी फरार भएका हुन् ।
जिल्ला प्रहरी कार्यालय इलाम डिएसपी प्रकाश जवेगुका अनुसार गएराती करिव ५० वर्षका पूर्णबहादुरले करिव ४५ वर्षकी श्रीमती डम्बरकुमारी तामाङको हत्या गरेको प्रारम्भिक अनुसन्धानबाट खुलेको छ ।
श्रीमान श्रीमतीबीच सामान्य झगडा भएपछि राती पूर्णबहादुरले श्रीमती डम्बरकुमारीको टाउकोको पछाडीपट्टिको भागमा धारिलो हतियार बामफोकको प्रयोग गरि हत्या गरेको बताइएको छ ।
घटनापछि श्रीमान फरार रहेको प्रहरीको भनाई छ । घटना के रु कसरी रु भयो भन्ने बिषयमा थप अनुसन्धान भइरहेको प्रहरीको भनाई छ ।
