काठमाडौं। नेप्को इन्टरटेन्मेन्टको प्रस्तुतिमा ‘मुग्लिन’ बोलको गीत बजारमा सार्वजनिक भएको छ। गायक दिपेन थापा र गायिका अन्जु विश्कर्माको स्वर रहेको गीत ‘मुग्लिन’आज सार्वजनिक भएको हो ।
गीतको निर्देशन विशाल घिमिरेले गरेका छन् भने, सम्पादन अमृत चापागाईले गरेका छन् ।गीतमा शब्द विक्रम बाबु विश्वकर्माको रहेको छ भने संगीत दिपेन थापाले गरेका छन् ।
सार्वजनिक गीतको भिडिओमा मोडल सुन्दर एस डि एस र सन्झना गुरुङलाई देख्न सकिन्छ । म्युजिक एरेञ्जर आकाश नेपालीले गरेका छन् भने, ध्वानि सम्पादक एच बि एन किस्मतले गरेका छन् । सार्वजनिक गीतको भिडिओ वान डिबि एच डि स्टुडियोले गरेको हो ।
नेप्को इन्टरटेन्मेन्टद्वारा सार्वजनिक गीतमा प्रेमिल भाव बोकेको भिडियोमा देख्न सकिन्छ । भिडियोमा एक जना युवक यात्रा गरिरहेको हुन्छ, यात्राकै क्रममा एक जना गाउँकी सुन्दर यवतीसँग भेट हुन्छ । यात्रामा भेटिएकी ती युवतीसँग युवकको माया प्रेम बस्छ । प्रेमीले प्रेमिकालाई भेट्न जादा बाटो बिग्रिएको हुन्छ र बाटोमा जाम हुँदा प्रेमी भने प्रेमिकालाई भेट्न निकै हतारोमा देखिन्छन् ।
दुवै जना एकअर्का प्रति माया प्रेममा डुब्छन् । उनीहरु माया प्रेममा डुबेपछि भाग्छन् र नारायणी नदीको किनारमा दुबैजना प्रेमलीलामा डुबेको भिडियोमा देख्न सकिन्छ । यूवा–यूवतीविचको प्रेम कथामा तयार पारिएको मुग्लिन गीतको भिडियो अहिलेका युवापुस्तामा निकै लोकप्रिय हुने दावी निमार्ण पक्षले गरेका छन् ।
