काठमाडौँ । चीनले लिजियान–२ वाई २ वाहक रकेटमार्फत नयाँ उपग्रह समूह सफलतापूर्वक अन्तरिक्षमा प्रक्षेपण गरेको छ ।
मंगलवार उत्तरपश्चिम चीनस्थित डोङफेङ कमर्सियल स्पेस इनोभेसन पाइलट जोनबाट उक्त रकेट प्रक्षेपण गरिएको हो । बेइजिङ समयअनुसार बिहान ८ बजेर १५ मिनेटमा प्रक्षेपण गरिएको रकेटले आफ्नो साथमा बोकेको नयाँ उपग्रह समूहलाई निर्धारित कक्षमा सफलतापूर्वक पुर्याएको चिनियाँ सञ्चारमाध्यमले जनाएका छन् ।
उक्त प्रक्षेपणसँगै चीनको व्यावसायिक अन्तरिक्ष कार्यक्रम तथा उपग्रह प्रक्षेपण अभियानमा अर्को उपलब्धि थपिएको छ ।
