परिवर्तन भयो चलचित्र ‘बाः एक योद्धा’ को प्रदर्शन मिति, अब असोज ९ गतेदेखि हलमा आउने
काठमाडौं : प्राकृतिक विपद् (भोटेकोशी बाढी) का कारण पूर्वनिर्धारित समयमा प्रदर्शनमा आउन नसकेको प्रतीक्षित नेपाली चलचित्र ‘बाः एक योद्धा’ को नयाँ प्रदर्शन मिति सार्वजनिक गरिएको छ।
बुबाको मुख हेर्ने दिन (कुशे औँसी) को सुअवसर पारेर निर्माण टिमले यो चलचित्र अब आगामी असोज ९ गतेबाट देशभरका हलहरूमा प्रदर्शन हुने आधिकारिक घोषणा गरेको छ।
यसअघि बाढीपीडितहरूलाई दुई लाख रुपैयाँ आर्थिक सहयोग गर्दै निर्माण टिमले मंसिर २४ गतेलाई प्रदर्शन मितି तोकेको थियो। तर, दर्शकहरूको चाहना र वितरक तथा प्रदर्शकहरूसँगको व्यापक छलफलपछि मिति परिवर्तन गरेर असोज ९ मै ल्याउने निष्कर्षमा पुगेको निर्माता वसन्त लम्सालले जानकारी दिएका छन्।
निर्माता लम्सालले भने, “हामी वितरक तथा प्रदर्शकसँग सल्लाह गरेर ‘बाः एक योद्धा’ लाई असोज ९ गते नै प्रदर्शनमा ल्याउने निष्कर्षमा पुगेका छौँ। यो मितिमा हामीलाई दर्शकसँगै सम्पूर्ण फिल्मकर्मी तथा सरोकारवाला पक्षको भरपूर साथ मिल्नेमा हामी विश्वस्त छौँ।”
पारिवारिक कथा र सशक्त कलाकारिता
नेपाली समाजमा आफ्नो परिवार र सन्तानको सुनौलो भविष्यका लागि एउटा बुवाले गर्ने ठूलो त्याग, अथक संघर्ष र जीवनभर झेल्नुपर्ने चुनौतीहरूको यथार्थ कथा नै यस चलचित्रको मुख्य विषयवस्तु हो।
नेपाली संगीत क्षेत्रमा थुप्रै कालजयी गीत दिएर ख्याति कमाउनुभएका καταीसंङ्गीतकार हरि लम्सालले यसै चलचित्रमार्फत फिचर फिल्म निर्देशनमा डेब्यु गरेका छन्। कथा तथा पटकथा समेत उनै लम्सालले तयार पारेका हुन्।
आर्टिस्टिक इन्टरटेनमेन्टको ब्यानरमा निर्माण भएको यस चलचित्रमा दिव्यदेव, झरना थापा, सुहाना थापा, माओत्से गुरुङ, अनिल बुढाथोकी, सागर खनाल, शिशिर सिवाकोटी, सुप्रज्ञा शर्मा र शवि थापा लगायतका चर्चित कलाकारहरूको मुख्य भूमिका रहेको छ।
प्राविधिक पक्ष र वितरण
-
निर्माता : वसन्त लम्साल
-
कार्यकारी निर्माता : अनिल बुढाथोकी
-
सह–निर्माता : कृष्ण काफ्ले
-
लाइन प्रोड्युसर : अर्जुन पौडेल
-
छायांकन : शिवराम श्रेष्ठ
-
मुख्य सहायक निर्देशक : तारानाथ न्यौपाने
-
वितरण : आशिष एच तामाङ र प्रदीप धामीको ‘कुवेर सिने डिस्ट्रिब्युसन’
