काठमाडौं । नेपालले आजदेखि बंगलादेशमा बिजुली निर्यात गर्ने भएको छ । गत असोज १७ मा भएको त्रिपक्षीय सम्झौता अनुसार नेपालले ४० मेगावाट बिजुली बंगलादेश आज शुक्रबारबाट पठाउने भएको हो ।
आज नेपाल, भारत र बंगलादेशका ऊर्जामन्त्रीले भर्चुअलमार्फत् संयुक्तरुपमा उद्घाटन गरेपछि बिजुली बंगलादेश पठाइने छ ।
शुक्रबार करिब ११ घण्टामात्रै बिजुली बिक्री गर्दा प्राधिकरणले ३८ लाख ३२ हजार ४ सय रुपैयाँ आम्दानी गर्ने बताइएको छ ।
