काठमाडौं । राष्ट्रिय स्वतन्त्र पार्टी (रास्वपा)ले आकस्मिक सचिवालय बैठक डाकेको छ।
सहकारी ठगीको आरोपमा अनुसन्धानमा रहेका रास्वपा सभापति रवि लामिछानेविरुद्ध कास्की जिल्ला अदालतमा मुद्दा दर्ता भएपछि रास्वपाले सचिवालय बैठक बोलाएको छ।
रास्वपाले बैठक दिउँसो ४ बजेका लागि बोलाइएको छ। उपसभापति डीपी अर्यालका अनुसार आजको बैठकमा बैठकमा सभापतिविरुद्व अघि बढेको मुद्दा र पार्टीको आगामी रणनीतिको विषयमा छलफल हुने जनाइएको छ।
सरकारी वकिल कार्यालय, कास्कीले रविमाथि सहकारी ठगी, संगठित अपराध र सम्पत्ति शुद्धीकरण गरी ३ वटा मुद्दा दर्ता गरेको छ।
