काठमाडौं । आगामी भदौ १४ गते परेको गाईजात्रालाई लक्षित गर्दै हास्य कलाकार शिवशंकर रिजाल `जोगिन्दर´ ले गाईजात्रे कमेडी `लुछाचुँडी´ल्याएका छन्।
बिहीबार ओएसआर डिजिटल युट्युब च्यानलमार्फत गाईजात्रा सार्वजनिक गरिएको हो।
`लुछाचुँडी´मा भष्टाचारलाई मुख्य मुद्दाको रूपमा प्रस्तुत गरिएको छ। भारतको चेपा र हेपा प्रवृतिप्रति समेत उनले व्यंग्य प्रहार गर्न गरेका छन्।
`लुछाचुँडी´ मा जोगिन्दरसँगै घनश्याम गौतम, गाेपाल नेपाल, राधिका हमाल, सुरेश तिमिल्सेना, सावित्रा लामिछाने, अर्जुन गिरी, ज्ञानदेव गिरी, शिवराम कार्की प्रेम शर्मा पाैडेललगायत कलाकारले अभिनय गरेका छन् ।
दुई दशकदेखि गाईजात्रा पर्वमा नियमित कोसेली ल्याउने गरेका रिजालको यो २१ औं कोसेली हो।`लुछाचुँडी´ को लेखन, प्रस्तुति र निर्देशन शिवशंकर रिजार जोगिन्दर आफैले गरेका हुन्।
उनी अहिले गाईजात्रा टुरको तयारीमा छन्।
