काठमाडौं। नेपाल सुनचाँदी व्यवसायी महासंघका अनुसार हिजो सुनको मूल्य प्रतितोला एक लाख १२ हजार ४ सय रुपैयाँमा कारोबार भएकोमा आज चार सय रुपैयाँले घटेको हो । बुधबार पनि सुनको मूल्य तीन सय रुपैयाँले घटेको थियो ।
महासंघका अनुसार आज छापावाल सुनको मूल्य तोलामा एक लाख १२ हजाररुपैयाँ रहेको छ भने तेजावी सुनको मूल्य प्रतितोला एक लाख ११ हजार ४५० रुपैयाँ रहेको छ ।
त्यस्तै, आज चाँदीको मूल्य पनि घटेको छ । हिजो चाँदीको मूल्य प्रतितोला एक हजार चार सय ३० रुपैयाँमा कारोबार भएकोमा आज प्रतितोला एक हजार ४१० रुपैयाँ मूल्य कायम भएको महासंघले जनाएको छ ।
