हरितालिका तीजको अवसरमा माइतीघर पुगेर आफन्तसँग खुसी साट्ने सपना बोकेर घरबाट निस्किएकी ३५ वर्षीया जीताको सवारी दुर्घटनामा परेर दु:खद निधन भएको छ।
मोटरसाइकलमा यात्रा गर्ने क्रममा उनले ओढेको दुपट्टा पछाडिको चक्कामा बेरिन पुग्दा भएको दुर्घटनामा परी उनको घटनास्थलमै ज्यान गएको हो।
तीजको उत्साह र पारिवारिक भेटघाटको उमङ्ग बोकेर सुरु भएको उनको यात्रा एकाएक शोक र चीत्कारमा परिणत भएको छ। चाडपर्वको खुसी मनाउने तयारीमा जुटिरहेको परिवारमा जीताको असामयिक निधनको खबरले कहिल्यै नमेटिने अकल्पनीय बज्रपात परेको छ।
