काठमाडौं । आईसीसी ट्वान्टी-२० विश्वकप छनोट खेलमा नेपालले आज सिंगापुरसँग खेल्दै छ ।
कीर्तिपुरकाे त्रिवि क्रिकेट मैदानमा हुने समूह ‘ए’को यो खेल बिहान ९ बजेबाट सुरु हुनेछ ।
आजदेखि सुरु हुने प्रतियोगितामा नेपालसहित कुल आठ टिम सहभागी छन् । जसलाई प्रत्येक समूहमा चार टिम रहने गरी दुई समूहमा विभाजन गरिएको छ ।
आजै बिहान नौ बजेदेखि मुलपानी क्रिकेट मैदानमा हुने समूह ‘बी’को खेलमा युनाइटेड अरब इमिरेट्स (यूएई)ले बहराइनविरुद्ध खेल्नेछ । यस्तै, दिउँसो १ः१५ बजे कीर्तिपुरमा ओमान र मलेसियाले खेल्दा मुलपानीमा हङकङ र कुवेतबीच प्रतिस्पर्धा हुनेछ ।
