काठमाडौं । काठमाडौँबाट साउदी अरेबवियाको दमामका लागि उडेको नेपाल एअरलाइन्सको जहाज काठमाडौँ नै फर्किएको छ ।
त्रिभुवन अन्तर्राष्ट्रिय विमानस्थलबाट उडेको एक घण्टामै गए राति नेपाल एअरलाइन्सको आर ए ४१२ नम्बरको जहाज काठमाडौँ फर्किएको हो ।
जहाजमा हुने टिकास (जहाजको आसपासमा केही समस्या आए जनाउ दिने प्रविधि) मा खराबी आएकाले जहाजलाई फर्काइएको विमानस्थल कार्यालयले जनाएको छ ।
कार्यालयका अनुसार जहाज गए राति ११ बजेर १० मिनेटमा विमानस्थलमा अवतरण गरेको थियो ।
