काठमाडौं। प्रधानमन्त्री पुष्पकमल दाहाल ‘प्रचण्ड’ आज भारत भ्रमणमा जाँदै छन् ।
प्रधानमन्त्री प्रचण्ड ६ जना मन्त्री, मुख्यसचिव र ८ जना सचिवसहित १ सय भन्दा बढीको जम्बो टोली सहित भारत भ्रमणमा जान लागेका हुन् ।
प्रधानमन्त्री प्रचण्ड नेतृत्वको टोली दिउँसो २:५० मा राष्ट्रिय ध्वजाबाहक नेपाल एयरलाइन्सको नियमित उडानबाट भारत प्रस्थान गर्ने उनको सचिवालयले जनाएको छ ।
भारतीय समकक्षी नरेन्द्र मोदीको निमन्त्रणामा भारत जान लागेका प्रधानमन्त्री प्रचण्ड आजै मोदीसँग भेटवार्ता गर्नेछन्।
प्रधानमन्त्री प्रचण्ड नेतृत्वको टोली यही जेठ २० गते स्वदेश फर्किने कार्यक्रम रहेको छ ।
