काठमाडौं । काठमाडौंको ठमेलस्थित एक होटलबाट ठुलो परिणाममा लागु औषध कोकिनसहित एक विदेशी महिला पक्राउ परेकी छन् ।
ठमेलको एक होटलबाट मलेसियन नागरिकलाई पक्राउ गरेको जिल्ला प्रहरी परिसर काठमाडौंले जनाएको छ। लागुऔषधको कारोबार भइरहेको भन्ने सूचनाको आधारमा खटिएको परिसर र प्रहरी वृत्त लैनचौरको संयुक्त टोलीले काठमाडौं सिटी होटलमा छापा मारेको थियो।
प्रहरीले मलेसियाकी एक महिला बथुमलाई भादिभालोलाई फेला पारेको थियो। उनको कोठामा ६ वटा स्कुल ब्याग फेला परेको थियो। जसभित्र फल्स बटम बनाइएको थियो।
फल्सबटम हेर्दा कोकिन बरामद भएको प्रहरीले जनाएको छ । ती महिलाबाट ५ किलो ८२० ग्राम कोकिन बरामद भएको प्रहरीले जनाएको छ। उक्त कोकिन अवैध बजारमा २० करोड ३७ लाख बराबरको हुने प्रहरीले जनाएको छ।
