Hotel Panchthar Nepco Media

रसुवामा नक्कली नोटसहित तीनजना पक्राउ

रसुवा । प्रहरीले रसुवाबाट नक्कली नोटसहित तीन जनालाई पक्राउ गरेको छ।

विशेष सूचनाको आधारमा जिल्लाको उत्तरगया गाउँपालिका-५ नौबिसेमा रहेको एक होटलबाट नक्कली नेपाली नोटसहित उनिहरुलाई पक्राउ गरिएको जिल्ला प्रहरी कार्यालय रसुवाले जनाएको छ।

पक्राउ पर्नेहरुमा नुवाकोटको ककनी बुद्धिबहादुर तामाङ, विदुर, मानबहादुर गुरुङ, ज्ञानेन्द्रबहादुर पण्डित रहेका छन्।

प्रहरीले होटेलबाटै नक्कली नोटसहित पैसाको आकारमा काटी कागज राखेर बनाईएको पैसाको विटो जस्तो देखिने बण्डल, कैची र पेपर कटर, विभिन्न बैंकहरुको चेक, मोवाईल पाँच थान र स्कुटरसहित निजहरुलाई नियन्त्रणमा लिइएको हो।

उनिहरुलाई ठगी उद्योग मुद्दामा सात दिनको म्याद दिई मुद्रा सम्बन्धी कसुरमा अनुसन्धान अगाडि बढाइएको प्रहरी नायब उपरीक्षक सुभाष बुढाथोकीले बताए।