काठमाडौं । अभिनेता तथा निर्देशक सरोज खनालले राजेश हमाल र शिव श्रेष्ठलाई लिएर फिल्म बनाउने भएका छन् ।
एक टेलिभिजन कार्यक्रममा कुराकानी गर्दै उनले नयाँ फिल्मको घोषणा गरेका छन् । छायांकन दशैंपछि सुरु हुने जानकारी दिए ।
यो फिल्मलाई ‘नाइँ नभन्नु ल’ फेम्ड विकासराज आचार्य र खनाल दुवैले संयुक्त रुपमा निर्देशन गर्ने भएका छन् ।
यो फिल्ममा सरोजसहित राजेश र शिव तीन समकालीन कलाकारले अभिनय गर्ने भएका छन् ।
‘अहिले हामी स्क्रिप्टमै छौं । विकासजीले स्टोरी सुनाउने बित्तिकै मेरो दिमागमा एउटा रोलको लागि राजेशजीको अनुहार याद आयो । त्यो अलिकति अनौठो खालको रोल छ । अहिलेसम्म राजेशजीलाई कसैले पनि त्यो रोलमा देख्नुभएको छैन,’ उनले भने, ‘उहाँले यदि खेल्दिन भन्नुभयो भने हामीले दोस्रो अप्सन सोच्छौं ।’
५० कटेका हामी तीन कलाकार एउटै फ्रेममा हुनेछौं’ उनले भने । अभिनेत्रीबारे निधो नभइसकेको उनले बताए ।
