काठमाडौं । नौबिसे-नागढुंगा सडकखण्डको झ्याप्ले खोलामा थप १३ वटा शव भेटिएको छ । पहिरो पन्छाउने क्रममा झ्याप्ले खोलामा १३ जनाको शव भेटिएको प्रहरीले जनाएको छ ।
झ्याप्ले खोलामा एउटा बस पुरिएको अवस्थामा भेटिएकाले निकाल्नेक्रम जारी छ ।
शनिबार झ्याप्ले खोलामा पहिरोमा पुरिएका १४ जनाको शव निकालिएको थियो । नेपाल प्रहरीका केन्द्रीय सह९प्रवक्ता प्रहरी वरिष्ठ उपरीक्षक विश्व अधिकारीले १४ जनाको शव निकालिएको जानकारी दिएका थिए ।
यसैबीच गोरखाको लापुबेसिबाट काठमाडौँका लागि छुटेको यात्रुबाहक बस सम्पर्कविहीन भएको छ । शुक्रबार बिहान ७ बजे गोरखाको लापुबेसिबाट काठमाडौँका लागि छुटेको ना ४ ख २२७० नम्बरको बस अहिलेसम्म पनि सम्पर्कमा नआएको बताइएको छ ।
