काठमाडौं । नेपाली कांग्रेसका सभापति शेरबहादुर देउवा महामन्त्रीद्वयलाई लिएर बालुवाटार पुगेका छन्।
देउवा प्रधानमन्त्री पुष्पकमल दाहाल ‘प्रचण्ड’लाई भेट्न महामन्त्रीद्वय गगन थापा र विश्वप्रकाश शर्मासँगै बालुवाटार पुगेका हुन्।
भेटघाटमा कांग्रेस नेताहरूले जाजरकोट भूकम्पबाट पीडित भएका जनतालाई तत्काल राहत उपलब्ध गराउन माग गरेका थिए।
नेपाली कांग्रेसले भूकम्पपीडितको उद्धार तथा राहतका लागि सरकारलाई ५० लाख दिने निर्णय गरिसकेको छ।
