काठमाडौं । छिमेकी मुलुक भारतले आज मंगलबार ७७औँ स्वतन्त्रता दिवस मनाउँदै छ ।
स्वतन्त्रता दिवसलाई भारतले वर्षेनि उत्सवका रूपमा मनाउने गरेको छ ।
बेलायत साम्राज्यबाट स्वतन्त्र भएको दिनका रुपमा भारतले प्रत्येक वर्ष अगष्ट १५ का दिन स्वतन्त्रता दिवस मनाउने गरेको छ ।
दिवसका अवसरमा प्रधानमन्त्री नरेन्द्र मोदीले देशवासीलाई बधाईं एवं शुभकामना दिएका छन् ।
स्वतन्त्रता दिवसको अवसमा दिल्लीको लाल किल्लामा विशेष कार्यक्रमको आयोजना गरिएको छ ।कार्यक्रमलाई भारतीय प्रधानमन्त्री मोदीले सम्बोधन गर्ने कार्यक्रम रहेको छ ।
सन् १९४७ को अगष्ट १५ मा बेलायत साम्राज्यबाट भारत मुक्त भएको थियो ।
भारतमा शासन गरिरहेको बेलायती सरकार सन् १९४७ मा आजकै दिन भारत छोडेर गएपछि भारत बेलायती साम्राज्यबाट मुक्त भएको हो ।
