मुगु । दशौँ राष्ट्रिय खेलकुद प्रतियोगिताअन्तर्गत कबड्डी प्रतियोगिता मुगु जिल्लामा सञ्चालन भइरहेको छ। प्रतियोगितामा विभिन्न १० जिल्लाका पुरुष खेलाडीहरूको सहभागिता रहेको छ। प्रतियोगिताले जिल्लामा खेलकुदको उत्साह बढाउनुका साथै खेलाडीहरूलाई आफ्नो प्रतिभा प्रदर्शन गर्ने अवसर प्रदान गरेको छ।
प्रतियोगितामा छायानाथ रारा नगरपालिकाका नगर उपप्रमुख ईश्वर्य मल्ल प्रमुख अतिथिका रूपमा सहभागी हुनुभएको छ। प्रतियोगिताको आयोजना तथा व्यवस्थापनमा मुगु जिल्ला खेलकुद विकास समितिका कार्यालय प्रमुख जिल्लासिंह भामलगायतको सक्रिय भूमिका रहेको छ। प्रतियोगितालाई व्यवस्थित र सफल बनाउन सम्बन्धित निकाय तथा खेलकुद क्षेत्रका प्रतिनिधिहरूले सहकार्य गरिरहेका छन्।
कार्यक्रममा मुगु र हुम्ला जिल्लाका खेलकुद संयोजकहरूका साथै मुगु जिल्लाका विभिन्न राजनीतिक दलका प्रतिनिधि, समाजसेवी तथा स्थानीय सरोकारवालाहरूको उपस्थिति रहेको छ। विभिन्न जिल्लाका खेलाडीहरूको सहभागिताले आपसी परिचय, सहकार्य र खेलभावना अभिवृद्धि गर्न सहयोग पुग्ने अपेक्षा गरिएको छ। यस्ता प्रतियोगिताले स्थानीय स्तरमा खेलकुदको विकास गर्न र नयाँ प्रतिभालाई प्रोत्साहन गर्न महत्त्वपूर्ण योगदान पुर्याउने विश्वास गरिएको छ।
